शेतकरी हा पावसाची आतुरतेने वाट बघत असतो. आणि एकदाचा पाउस पडला की शेतातील कामांना सुरुवात करतो. असे असताना काही वेळेस हाच पाऊस हा शेतकऱ्यांना टेन्शन देणारा ठरतो. सोयाबीनचे प्रमुख उत्पादक (Soybean Producer) राज्य असलेल्या आपल्या राज्यात काही भागांत संततधार पावसामुळे पीक खराब (Crop Damage Due To Rain) झाले आहे.
यामध्ये यलो मोझॅकचाही (Yellow Mosaic) प्रादुर्भाव दिसू लागल्याने येत्या हंगामात कच्च्या मालाच्या उपलब्धतेबाबत सोयाबीन प्रक्रिया उद्योजकांची (Soybean Processor) चिंता आतापासूनच वाढली आहे. मध्य प्रदेश आणि महाराष्ट्र हे दोन्ही राज्य मुख्य सोयाबीन उत्पादक आहेत. यामुळे याठिकाणी शेतकरी चिंतेत आहेत.
पावसामुळे राज्यातील सोयाबीन उत्पादकांचे नुकसान झाले आहे. यामध्ये कृषी विभागाच्या आकडेवारीनुसार ७.८ लाख हेक्‍टरवरील पिकांना पावसाचा फटका बसल्याचा अंदाज वर्तविला आहे. यंदा पाऊल लांबल्याने पेरणी देखील लांबली आहे.
असे असले तरी राज्यात ६९ टक्‍के क्षेत्रावर पेरणी आटोपली आहे. राज्यात ३४ पैकी तब्बल २१ जिल्ह्यांत मॉन्सूनचा १०० टक्‍के पाऊस झाला आहे. अनेक ठिकाणी पूर देखील आला आहे. यामुळे आता शेतकऱ्यांना पिकांची काळजी घ्यावी लागणार आहे.
महत्वाच्या बातम्या;
खत म्हणून कोळसा आणि वाळू, बोगस कंपन्यांचा राज्यात धुमाकूळ...
'तारीख लक्षात ठेवा 30 जुलैला राज्याचे मुख्यमंत्री एकनाथ शिंदे राजीनामा देणार'
'बांधावरुनच समजतात शेतकऱ्यांच्या समस्या, राजकारणाची वेळ नाही अन्यथा दरेकरांना...'
Published on: 30 July 2022, 10:28 IST