आले पिकाचा विचार केला तर हे पीक मराठवाडा पासून तर खानदेश पर्यंत बऱ्याच भागांमध्ये मोठ्या प्रमाणात घेतली जात आहे आल्या मधील विशिष्ट चव व स्वाद यामुळे दररोजच्या जेवनातील मसाल्यात आल्याचे महत्त्वाचे स्थान आहे.

ओलिताची सोय असल्यास  एप्रिल आणि मे महिन्यामध्ये याची लागवड करता येते.या लेखात आपण आले पिकावर येणाऱ्या महत्वाचे रोग व त्यांचे नियंत्रण याबद्दल माहिती घेणार आहोत.

आले पिकावरील रोग व त्यांचे नियंत्रण

• कंदकूज-
  • हा रोग प्रामुख्याने जुलै ते सप्टेंबर या कालावधीमध्ये अधिक प्रमाणात दिसतो.
  • यामध्ये प्रथम पानांचे शेंडे वरून व कडांनी पिवळे पडून खालपर्यंत वाळत जातात.
  • खोडाचा जमिनीलगतचा भाग काळपट राखी पडतो. याच ठिकाणी माती बाजूस करून पाहिल्यास गड्डाहीवरून काळा पडलेला व निस्तेज झालेला दिसतो.
  • हा रोग प्रामुख्याने सूत्रकृमी किंवा खुरपणी, आंतर मशागत करताना कंदास इजा झाल्यास त्यातून पीथीएम,फुजेरीयमयासारख्या बुरशींचा गड्ड्यामध्ये प्रादुर्भाव होऊन कंद कुजण्यास सुरुवात होते.

या रोगाचे नियंत्रण

• लागवडकरतना निरोगी बियाण्याचा वापर करावा.
• हलकी ते मध्यम परंतु उत्तम निचऱ्याची जमीन निवडावी.
• पावसाळ्यात शेतामध्ये चर घेऊन पाण्याचा निचरा करावा.
• मेट्यालेक्सिल(8टक्के)+ मॅन्कोझेब (64 टक्के ) हे संयुक्त बुरशीनाशक अडीच ग्रॅम प्रति लिटर किंवा कार्बेन्डाझिम(50 डब्ल्यू पी ) एक ग्रॅम किंवा मॅन्कोझेब अडीच ग्रॅम प्रति लिटर पाण्यात मिसळून बीजप्रक्रिया करावी.
• शेती मध्ये हा रोग आढळून आल्यास याच बुरशीनाशकाची आलटून-पालटून फवारणी करावी.
• नरमकूज-

1-जमिनीत पाण्याचा निचरा बरोबर न झाल्याने या रोगाचा प्रादुर्भाव होतो.

2-

शेंड्याकडून झाड वाळत जाते.

3- बुंध्याचा भाग सडल्यामुळे सहज उपटला जातो.

4- त्यानंतर जमिनीतील गड्डे सडण्यास सुरुवात होते.

या रोगाचे नियंत्रण

• रोगट झाडे समूळ उपटून नष्ट करावीत.
• लागवडीपूर्वी व नंतर दर महिन्याला पिकावर बोर्डो मिश्रण फवारावे.
• प्रत्येक वर्षी एकाच जमिनीत आले पिकाची लागवड न करता पिकाची फेरपालट करावी.
• पाण्याचा उत्तम निचरा होणाऱ्या जमिनीत आले पिकाची लागवड करावी.